- 037 -
1422 (14. kwietnia) W polu [obozie] pod SteinitzW Saksonii, we wtorek świąt Wielkanocnych etc.
Król Zygmunt Luksemburski zezwolił wrocławskim rajcom i obywatelom na zmianę bitego przez nich halerza.
— Wir Sigmund von gotes gnaden Romischer kunig zu allen czyten merer des reychs und zu Ungern zu Behem Dalmacien Croacien etc. kunig bekennen und tun kunt offembar mit disem brieve allen den die in sehen odir horen lesen. Wann wir angesehen haben getrewe nutze willige und unverdrossene dienste, die uns die ratmanne und burgere gemeinlich der stat zu Breslaw unsere lieben getrewen oft und dieck beweiset haben, teglich tun und furbas tun sollen und mogen in kumftigen czyten, dorumb wir geneygt und willig zeyn iren nutz und bestes zu betrachten und furzuwenden, dorumb mit wolbedachtem mute, gutem rate und rechter wiszen haben wir den vorgenanten ratmannen und gemeynen zu Breslaw diese besunder gnad getan und tun in die in kraft dicz brieves als eyn kunig zu Behem, das sy ire muntze mit dem prege und czeychen verkeren mogen auff eyn anders prege, wie in dann das am besten seyn bedunken wirdet, doch das das korn bey seynem grad und wirden bleibe als sye das vormals biszher geslagen haben. Und wir setzen ouch von kuniglicher macht, das dieselb muntze, die die vorgenanten von Breslaw nu furbasz slahen werden genem und werde seyn und von nyemands verworffen seyn sol in aller der masze, als (man) dann die muntze, die sye vormals geslagen haben, genem und werde gewest is on allermenigs widersprechen. Ouch das die vorgenanten von Breslaw unser gnad dester milticlicher empfinden, so haben wir in gnediclich gegeben und gegunnet, geben und gunnen in mit disem brieve, das sy nu furbasz von der wage, der sy zu der stat nucze gebrauchen, ye von eynem yczlichen steyne, was ware dann do gewegen wird, eynen haller irr muncze nehmen und heysschen sollen und mogen und dowider sol sich nyemand setzen bey unsern hulden und bey eyner pene, die dann vorgenanten von Breslaw doruff setzen wurden unleszlich zu bezalen. Mit urkund dicz brieves versigelt mit unserm kuniglichem anhangenden insigil.
Geben vor Stenitz im felde am dinstag in den heyligen Osterfeyertagen nach Crists geburt vyerczehenhundert iar und dornach in dem czweyundczwenczigsten iar, unser reyche des Ungrischen etc. in dem sechsunddreyszigisten, des Romischen in dem czwelfften und des Behemischen in dem andern iaren.
Ad mandatum domini regis MichaelMichael prepozyt joannitów z Mladá Boleslav (niem.: Jungbunzlau) w Rep. Czeskiej. prepositus Boleslaviensis.